Cancellarak irabazi du aitzin etapa, eta Armstrongek Tourra irabazteko hautagai sendoena dela erakutsi du

Fabian Cancellara txirrindulari suitzarra izan da abilena Frantziako Tourreko aitzin etapan, Lieja-Lieja (Belgika) 6,1 kilometroko erlojupekoan: sei minutu eta 50 segundo behar izan ditu ibilbidea osatzeko. Haren atzetik, Lance Armstrong txapeldun estatubatuar handia sailkatu da; segundo bat gehiago behar izan du erlojupekoa egiteko. Nolanahi ere, beste faboritoei aurrea hartuz, hasiera-hasieratik argi utzi du bera dela Tourra irabazteko hautagai indartsuena.