CARROLL, JOKALARI PUSKA!

Denboraldi osoa darama Jaycee Carroll ACB ligako jokalari onenetakoa dela erakusten, eta ez da alferrik saskiratzaile onena. Berea izan zen Baskoniaren aurka garaipena eman zion azken saskiraketa, eta argazkia adibide ona da Carrollen indarraz jabetzeko. 1,88 metro ematen diote estatistika ofizialek, baina bere indar fisikoari esker, gai da Esteban Batista bezalako pibot indartsu bati errebotea kentzeko. Jokalari onek saskiraketa erabakigarriak gauzatu baino gehiago egiten dutelako.