Casey Stonerrek erretiroa hartuko du sasoi bukaeran

MOTOZIKLISMOA. Casey Stonerrek (Honda) sasoi bukaeran hartuko du erretiroa. 26 urteko pilotu australiarrak atzo eman zuen erabakiaren berri Le Mansen (Frantzia), eta adierazi zuen «arrazoi pertsonalengatik» dela. Ez zen ustekabekoa izan, bere erretiroaren zurrumurruak indar handia hartu zuelako azken asteetan. Stoner Moto GPko txapeldun izan zen 2007 eta 2011n. Egun Moto GPko sailkapeneko buruan dago 66 punturekin, Jorge Lorenzok (Yamaha) baino bat gehiago.