Cavendishek irabazi du etapa, esprintean

Mark Cavendishek (Columbia) irabazi du gaur arratsaldean Espainiako Vueltako 18. etapa: Valladolid-Salamanca (148,9 kilometro). Aise nagusitu da tropeleko esprintean. Vuelta honetan irabazi duen hirugarren etapa du Cavendishek.

Eguneko ihesaldia zortzi txirrindularik osatu dute. Borzgarren kilometroan egin dute ihesi, eta azken hamabortz kilometroetara arte elkarrekin joan dira. Haien artean egon da Euskaltel-Euskadiko Pablo Urtasun nafarra.

Sailkapen nagusian ez da aldaketarik egon. Vincenzo Nibali (Liquigas) da lider, eta bigarrengoari, Ezequiel Mosquerari (Xacobeo) 38 segundoko aldea ateratzen dio. Hirugarren dago Peter Velits (Columbia) 1.59ra, laugarren Frank Schleck (Saxo Bank) 3.43ra, eta borzgarren Joaquim Rodriguez (Katuxa) 3.44ra.

Igandean bukatuko da Vuelta, Madrilen. Biharko etapan, Piedrahita eta Toledo artean (200 km), bigarren mailako mendate bat igoko dute, baina helmugatik urruti. Vuelta etziko mendiko etapan erabakiko da.

Orain arteko etapak

- 1. etapa: Sevilla-Sevilla. Irabazlea: Team HTC-Columbia. Liderra: Mark Cavendish.

- 2. etapa: Alcala de Guadaira-Marbella. Irabazlea: Yauheni Hutarovitx. Liderra: Mark Cavendish.

- 3. etapa: Marbella-Malaga. Irabazlea: Philippe Gilbert. Liderra: Philippe Gilbert.

- 4. etapa: Malaga-Valdepeñas de Jaen. Irabazlea: Igor Anton. Liderra: Philippe Gilbert.

- 5. etapa: Guadix-Lorca. Irabazlea: Tyler Farrar. Liderra: Philippe Gilbert.

- 6. etapa: Carabaca de la Cruz-Murtzia. Irabazlea: Thor Hushovd. Liderra: Philippe Gilbert.

- 7. etapa: Murtzia-Orihuela. Irabazlea: Alessandro Petacchi. Liderra: Philippe Gilbert.

- 8. etapa: Villena-Xorret de Cati. Irabazlea: David Moncoutie. Liderra: Igor Anton.

- 9. etapa: Calpe-Alcoy. Irabazlea: David Lopez. Liderra: Igor Anton.

- 10. etapa: Tarragona-Vilanova i la Geltru. Irabazlea: Imanol Erbiti. Liderra: Joaquim Rodriguez.

- 11. etapa: Vilanova i la Geltru-Andorra. Irabazlea: Igor Anton. Liderra: Igor Anton.

- 12. etapa: Andorra-Lleida. Irabazlea: Mark Cavendish. Liderra: Igor Anton.

- 13. etapa: Rincon de Soto-Burgos. Irabazlea: Mark Cavendish. Liderra: Igor Anton.

- 14. etapa: Burgos-Peña Cabarga. Irabazlea: Joaquim Rodriguez. Liderra: Vincenzo Nibali.

- 15. etapa: Solares-Lagos de Covadonga. Irabazlea: Carlos Barredo. Liderra: Vincenzo Nibali.

- 16. etapa: Gijon-Cotobello. Irabazlea: Mikel Nieve. Liderra: Joaquim Rodriguez.

- 17. etapa: Peñafiel-Peñafiel. Irabazlea: Peter Velits. Liderra: Vincenzo Nibali.

- 18. etapa: Valladolid-Salamanca. Irabazlea: Mark Cavendish. Liderra: Vincenzo Nibali.