Chebor irabazle Azkoitia-Azpeitia maratoi erdian

William Chebor kenyarra izan da gizonezkoetan gaurAzkoitia-Azpeitia (Gipuzkoa) 15. maratoi erdiko irabazlea, eta emakumezkoetan beste kenyar bat garaile: Margaret Atudonyang. Ez dute markarik hautsi (1.03.00 egin du Cheborrek, 1.13.32 Atudonyangek), bero egiten zuelako eta haizea ere izan da. Iazkoak dira probako errekorrak: Yaret Asmeronek 1.00.28 egin zuen gizonezkoetan eta Pamela Chepchumbak 1.08.57 emakumezkoetan.

Partaidetzan bai hautsi dela errekorra gaur: 1.165 lasterkalarik eman dute izena. Aurreko marka 1.133koa zen, 2006koa; iaz 1.103 izan ziren.

Probaren azkeneko bi aldietako irabazleak -Asmeronek-, ez du egun ona izan gaur, seigarren egin duelako. Asier Cuevas izan da lehen euskal herritarra: zortzigarren (1.10.00).

Sailkapenak

Gizonezkoak.

-1. William Chebor. 1.03.00.

-2. Yusuf Songoka. 1.04.14.

-3. James Moiben. 1.05.42.

Emakumezkoak.

-1. Margaret Atudonyang. 1.13.32.

-2. Marta Fernandez. 1.17.53.

-3. Teresa Pulido. 1.19.38.

Bihar Diego Garcia zenaren lagun Juan Antonio Crespo atleta omenduko dute. Hain zuzen, etzi beteko dira zazpi urte hil zela.