UEFAk Txapeldunen Ligako final-zortzirenetako zozketa egin du gaur eguerdian Nyonen (Suitza). Hauek dira final-laurdenetako kanporaketak: Real Madril-Tottenham, Chelsea-Manchester United, Bartzelona-Xakhtar Donetsk eta Inter Milan-Schalke 04.
Final-zortzirenetako zozketarekin batera, finalerdietan sailkatzen diren taldeak nola gurutzatuko diren ere zehaztu dute gaurkoan. Sailkatzen badira, Bartzelona eta Real Madril finalerdietan izango dira bata bestearen kontra. Finala Londresko Wembley estadio berrian jokatuko da, maiatzaren 28an, larunbatez.
