Chicagok indartsu jarraitzen du NBAn

SASKIBALOIA. Chicago Bullsen bolada onak ez du etenik. Atzo sasoiko zazpigarren partida irabazi zuen, zortzigarren jardunaldian. 97-83 hartu zuen mendean Orlando Magic, eta NBAko lehena da, Miami Heatekin berdinduta. Beste partidetan, Los Angeles Lakersek larri-larri nagusitu zitzaion Golden State Warriorsi (97-90), Kobe Bryanten 39 punturekin. Boston Celticsek, aldiz, 87-74 galdu zuen Indiana Pacersen aurka.