Ur bizietako K1 mailan denbora onena egin du lehen jaitsieran Maialen Chourraut lasartearrak, eta, horri esker, osteguneko finalerdietarako txartela eskuratu du. 98,75 izan du puntuazioa. Bigarren txandan okerrago aritu da —hamargarren, 107,91 puntu—, baina nahikoa izan du goizean egindakoarekin.
96,75 segundoko jaitsiera egin du Chorrautek, baina bi segunduko penalizazioa jaso du ateetako batean. Hala ere, berea izan da denbora onena, goizean zein arratsaldean. Ostegunean izango dira bai finalerdiak eta baita finala ere, lehen zortzien artean sartzea lortzen badu, noski.
Lizzie Neave (Erresuma Batua) eta Maria Clara Giai (Italia) izan ditu atzetik, segundo bat baino gutxiagora.
