Clemente: “Lamikizek zitalki saldu nau”

Lamikizen kontrako salaketa gogorrak eginez esan du agur Clementek. “Fernandok ez du garbi jokatu nirekin. Zitalki saldu nauela uste dut, interes mediatiko batzuen truke”, esan du entrenatzaile ohiak. Ibaiganeko zuzendaritzak fitxatu dituen futbolari berrien inguruan adierazpen batzuk egin zituen Clementek astelehenean. “Taldeak nahi izan duen guztia fitxatu du eta ez niri gustatuko litzaidekena”, esan zuen entrenatzaile ohiak. Horren harira erabaki du zuzendaritzak kargutik kentzea. Hala ere, zuri-gorrien artera itzultzeko gogoa nabarmendu du entrenatzaile ohiak.