Javier Clemente (Barakaldo, Bizkaia) dagoeneko ez da Serbiako hautatzailea, eta pena duela adierazi du. "Izan ere, nik hemen segitu nahi nuen lanean", esan du. "Ez nuen uste, gainera, modu honetara bidaliko nindutenik. Zvezdan Terzic [Serbiako Futbol Federazioaren presidentea] eta biok asteazkenean elkartu ginen, eta ez zidan hartu duten erabakiaz ezer aurreratu. Nik hemen jarraitzearen alde zegoela zioen Terzicek".
Urte bukaera arteko kontratua zeukan Clementek Serbiako selekzioarekin. Ez du lortu taldea 2008ko Europako Txapelketara sailkatzerik -Polonia eta Portugal geratu dira A Multzoko lehen bi postuetan-, eta federazioak presio handia izan du hura postutik kentzeko. "Triste noa, taldean oso giro ona zegoelako".
Futbola
Clemente: "Serbian segitu nahi nuen lanean"
Hautatzaile postutik kendu dute aste honetan.
Iruzkinak
Ez dago iruzkinik
Ordenatu
