Ezustekoarekin hasi da gaur Frantziako Tourra. Helmugara iristeko zortzi kilometro faltan tropelean txirrindulari talde bat erori egin da, eta eroriko horretan nahastuta, Alberto Contador faboritoetako batek eta Samuel Sanchez Euskaltel-Euskadiko txirrindulariak minutu bat eta hogei segundo galdu dituzte. Phillipe Gilbert belgiarrak irabazi du etapa, eta bera da aurtengo Tourreko lehen liderra.
Lehen etapa honek 191 kilometro zituen, eta eguneko ihesladia hiru txirrindularik egin dute, 170 kilometro ihes eginda korritu ostean. Lieuwe Westra (Vacansoleil), Jeremy Roy (FdJ) eta Perrig Quemeneur (Europcar) izan dira iheslariak, baina hogei kilometro faltan harrapatu dituzte. Cancellarak urrutitik jo du erasoa azken kilometroetan, baina Gilbertek sasoi oso ona erakutsi du, eta sekulako erakustaldia eginez, helmugaratu da lehen postuan.
Biharko etapan Les Essarts-en hasi eta bukatuko den taldekako erlojupekoa izango da.
Etapa Irabazlea Liderra
1.- Phillipe Gilbert (Omega Pharma) Phillipe Gilbert (Omega Pharma)
