Contadorrek irabazi du Alpe d'Huezen, baina Brajkovicena da itzulia

Jo eta jo eta jo. Horrela igo zuen Alberto Contadorrek (Astana) Alpe d'Huez handia, Dauphine Libereko etapa nagusian, baina Janez Brajkovic (RadioShack) espainiarraren gurpilari pega-pega eginda egon zen igoera guztian. 1.41 minutura zeukan sailkapen nagusian Contadorrek Brajkovic, eta ez zen gai izan esloveniarrari segundo bakar bat ere jateko. Etapa Astanakoarentzat eta itzulia, okerrik ezean, RadioShackekoarentzat. Hogei laguneko ihesaldiak berotu zuen Alpe d'Huezeko igoera -tartean zen Egoi Martinez (Euskaltel-Euskadi)-, baina Astanak eta RadioSchackek kontrol lan ona egin zuten. Gaur amaituko da itzulia, Allevard les Bains eta Sallanches arteko etaparekin (150 kilometro).

Suitzako Itzulian, berriz, Fabian Cancellara suitzarra (Saxo Bank) izan zen azkarrena 7,6 kilometroko erlojupekoan. 10.21 minutu behar izan zituen Cancellarak, eta segundo bat gehiago Roman Kreuziger txekiarrak (Liquigas). Ascona eta Sierre artean 167,5 kilometroko etapa izango dute gaur.

Emakumeen Biran Judith Arndt (Columbia) jarri da lider, gaurko azken etaparen bezperan. Bi zati izan zituen atzoko etapak. Goizean Nicole Cooke (Erresuma Batua) izan zen azkarrena, eta arratsaldean Marianne Vos (Nederland Bloeit).

Sailkapenak

DAUPHINE (6. ETAPA)

1. Alberto Contador (Astana) 4.31.01

2. Janez Brajkovic (R.Shack) d.b.

3. Sylvester Szmyd (Liquigas) 17ra

4. Jerome Coppel (Saur) 24ra

13. Romain Sicard (Euskaltel) 1.53ra

DAUPHINE (NAGUSIA)

1. Janez Brajkovic (R.Shack) 24.26.05

2. Alberto Contador (Astana) 1.41era

3. Tejay Van Garderen (Colum.) 2.41era

4. J. Van Den Broeck (Lotto) 3.46ra

13. R. Sicard (Euskaltel) 7.45era

SUITZAKO ITZULIA

1. Fabian Cancellara (Saxo) 10.21

2. Roman Kreuziger (Liquigas) 1era

3. Tony Martin (Columbia) 3ra

4. Peter Sagan (Liquigas) d.b.

5. Dries Devenyns (Quick) 10era

6. Gustav Larsson (Saxo) 11ra

7. Thomas Lovkvist (Sky) 12ra

8. Manuel Quinziato (Liquigas) 13ra

9. Simon Gerrans (Sky) d.b.

13. J. Castroviejo (Euskaltel) 14ra