CYBORG GRIFFIN

Joan den sasoian aho bete hortz utzi zuen mundua Blake Griffin Los Angeles Clippersekoak, Timofei Mozgoven gainetik saskia txikituta. Txiki utzi zuen 217 zentimetroko morroskoa, baina Griffin ez da konformatzen erraza. Duela egun batzuk, Oklahomako Kendrick Perkins sendoak jasan zuen Griffinen indarraldia. Urteko txikitzea izango dena galarazten saiatu zen, baina ezin. «Ez da ezer gertatzen. Horrelakoak ere ikusten dira», esan zuen, umil.