Thomas De Gendt-ek (Vacansoleil-DCM) irabazi du Paris-Nizako zazpigarren etapa, ihesean. Bigarren Rein Taaramae sartu da, sei minutu eta hamazazpi segundora. Iheskide izan dira biak etaparen zati handi batean. Tropel nagusia 9.23ra heldu da. Sisteron eta Niza artean korritu dute saioa, 219,5 kilometrokoa.
Bradley Wigginsek (Sky) jarraitzen du lider. Bigarren Lieuwe Westra dago, sei segundora. Hirugarren Alejandro Valverde, hemezortzira. Laugarren Simon Spilak, 37ra.
Bihar bukatuko da Paris-Niza, 9,6 kilometroko kronoigoera batekin.
Tirreno-Adriatikoko etapan, Sagan garaile
Peter Saganek (Liquigas) irabazi du Tirreno-Adriatikoko laugarren etapa. Christopher Horner (RadioShack) da lider berria.
