Michael Schumacher 1 Formulako pilotuak erretiroa hartuko du denboraldiaren amaieran. Gaur eman du bere erabakiaren berri, Suzukan (Japonia). 2006an ere iragarri zuen, baina 2009an itzuli zen lehiaketara. Mercedes taldean ari zen ordutik. "Agur esateko unea da. Lehiatzen jarraitzeko beharrezkoak diren motibazioa eta energia galdu ditut", esan du.
Talde horrek, ordea, iragarri du Lewis Hamilton fitxatu duela datozen hiru denboraldietarako. Horrek ezbaian jartzen zuen haren jarraipena.
43 urterekin hartuko du erretiroa Schumacherrek. Zazpi aldiz irabazi du munduko txapelketa, eta 91 sari nagusi irabazi ditu.
