Dibabak ez du parte hartu 5.000 metroko lasterketan

Tirunesh Dibaba etiopiarrak ez du parte hartu gaur goizeko 5.000 metroko lasterketan, arazo fisikoak medio. Aurretik, 10.000 metroko proban parte hartzeari ere uko egin zion. Bere ordez, haren ahizpak korritu du, Genzebe Dibabak.

Tirunesh Dibaba 5.000 metrotan txapelduna izan zen 2003ko Parisko eta 2005eko Helsinkiko Munduko Txapelketetan. Gainera iaz Pekingo Olinpiar Jokoetan 5.000 eta 10.000 metroko probak irabazi zituen.

Osakan duela bi urteko Munduko Txapelketan irabazi zuen Meseret Defar da, beraz, lasterketa horretako faborito nagusia.