Eddie O'Sullivanek (Irlanda, 55urte) zuzenduko du Miarritze heldu den denboraldian. Entrenatzaile aski ezaguna da nazioarteko errugbian. Taldeko zuzendaritzak Irlandako hautatzaile ohiaren (2001-2008) esku utzi du Top14ra itzultzearen erronka. Miarritzek jakinarazi duenez, O'Sullivanek Munsterren eskaintzari uko egin dio, eta aurki jakingo da zeintzuk izango diren bere laguntzaileak.
O'Sullivan selekzio mailan da ezaguna, Irlandaz gain AEBetako hautatzaile ere izan baita (1997-1999 eta 2009-11), eta Britania Handiko 'lehoiak' zuzendu zituen 2005eko biran. Irlandako hautatzaile bezala hiru aldiz irabazi zuen Sei Nazioen torneoa baina parte hartze ilunak izan zituen 2003ko (final-laurdenetara arte) eta 2007ko (ez zen lehen multzotik pasa) Munduko Kopetan.
