Egiguren II.a, buruz buruko txapelketako finalera

ZESTA-PUNTA. Egiguren II.ak 30-20 irabazi zion atzo Lopezi Donostiako Karmelo Balda pilotalekuan, eta Munduko Pilota Batzarrak antolaturiko buruz buruko finalerako sailkatu da. Egiguren II.ari dena atera zitzaion, eta Lopez ezinean aritu zen. 12. tantoan lehia erabat baldintzatu zuen uzkurdura izan zuen. Bigarren finalerdia gaur jokatuko dute Goikoetxeak eta Hernandezek, Durangon. Zumaiarra faborito argia da.