Italiako Giroak ibilbide oso gogorra izango du 100. ekitaldian. Proba aurrenekoz 1909an jokatu zen arren, Mungu Gerren eraginez ez zen jokatu hainbat urtetan eta 2017an egingo du 100. aldia. Efemeridea ospatzeko antolatzaileek ibilbide berezia osatu dute, igotzaileentzako aproposa.
Maiatzaren 5ean hasiko da, Sardinian, eta bertan hiru etapa jokatu ondoren laugarrenean Siziliara abiatuko da Etna sumendia igotzeko. Bukatu, aldiz, Milanen bukatuko da, Duomoko plazan, maiatzaren 28an, 28 kilometroko erlojupeko batekin.
Igotzaileentzako ibillbide petoa da, mendiko zazpi etaparekin, eta horietatik lau aldapa gora bukatuko dira (Etna, Blockhaus, Oropa eta Piancavallo). Etapa nagusia 16.a izango da, 227 kilometrokoa. Txirrindulariek Mortirolo (1.854 m.), Stelvio (2.758 m.) eta Giogo di Santa Maria (2.502 m.) igoko dituzte. Azken horren tontorretik helmugara hogei kilometroko aldapa egongo da.
Bi erlojupeko jokatuko dira, aurrenekoa 10. etapan, 39 kilometrokoa —Foligno eta Montefalco artean—. Ibilbide gogorra du. Bigarrena, aldiz, azken egunekoa izango da.
Ibilbidea
1. Alghero–Olbia
2. Olbia–Tortoli
3. Tortoli–Cagliari
4. Cefalu–Etna
5. Pedara–Messina
6. R.Calabria–Terme Luigiane
7. Castrovillari–Alberobello
8. Molfetta–Peschici
9. M. di Bisaccia–Blockhaus
10. Foligno–Montefalco (Erlojupekoa)
11. Firenze–Bagno di Romagna
12. Forli–Reggio Emilia
13. Reggio Emilia–Tortona
14. Castellania–Oropa
15. Valdengo–Bergamo
16. Rovetta–Bormio
17. Tirano–Canazei
18. Moena–Ortisei/St. Urlich
19. San Candido–Piancavallo
20. Pordenone–Asiago
21. Monza–Milano
