Eibarrek lidertza eskuratu dezake etzi Murtzian

Eibarrek Bigarren Mailako lidergoa eskuratu dezake etzi, Condomina zelaian. Murtzia Hiriaren kontra jokatuko du, Bigarren B Mailara ez jaisteko borrokan ari den taldearen aurka. Daraman ibilbidea kontutan hartuta, itxaropenez hartu dute jokalariek jardunaldi hau. Dena dela, ez dute lasaitzeko betarik izango, aurreko astean Xerez menderatzea lortu baitzuten murtziarrek, eta oraindik ez diote muzin egin maila eusteari. Cadizek ere badu lider jartzeko aukeraliderrarengandik hiru puntura baitago. Ferrolen kontra jokatu beharko du, igandean honek ere. Celta liderrak, berriz, bihar jokatuko du Malagaren kontra; hor izan dezake aukera Eibarrek.