Einar Galilea Azazeta jokalariak bertso batekin agurtu du gaur Alaves taldea eta haren zaleak. 27 urte ditu jokalariak eta txikitatik eduki du lotura Arabako taldearekin. Mini Gloriasen hasi zen 2012-2013 denboraldian, eta azken urteotan Alavesek utzita jokatu du Kroaziako Rudes taldean (2017-18), Frantziako Sochauxen (2018/19), eta, berriz ere Kroazian, Istra taldean, aurten arte.
BUKAERAKO AGURRA
— Einar Galilea (@EinarGali) June 30, 2021
Gasteiz (Araba) 2021 - 06 - 30
ðŸÂ’™ðŸ¤ÂÂÂÂðŸÂ’™ðŸ¤ÂÂÂÂðŸÂ’™ðŸ¤ÂÂÂÂðŸÂ’™
Einar Galilea Azaceta. pic.twitter.com/Tsclo0so5T
Istorio hau hasi zen nik
nituela bi hilabete
ordutik gaur arte soilik
bi kolore ditut maite
urdina eta txuria
arabatarron aterpe
Atzera begiratuta
daramat burua tente
Gasteizko haurren ametsa
zorionez baitut bete
Egoera ezagututa
argi adierazi daiteke
edozein mailan gaudela
Glorioso zuek zarete.
Bertsoongatik eskerrak eman dizkiote jarraitzaileek jokalariari, eta zortea opa egin diote ibilbide berrian. «Eta ez kezkatu, ziur gara zure ibilbideak arrakastaz jarraituko duela», erantzun dio Istra taldeak.
