Mende laurdena bete zuen atzo Donostiako Lilatoiak, eta giro zoragarriarekin ospatu zuten urteurrena proban parte hartu zuten 3.000tik gora emakumeek. Inoizko parte hartzerik handiena izan zen Donostiako kaleetan, probak urtez urte jaso duen babesaren hazkundearen seinale.
Izaro Rubio ordiziarra izan zen garaile, bost kilometroko ibilbidea 17 minutu eta 58 segundoan eginda. Ana Llorens iruindarrari hamar 11 segundoren aldea atera zion, eta Aratz Rodriguez izan zen hirugarren.
