Duela aste batzuk Kluben Elkarteak egindako eskariaren parte bat onartu du Espainiako Federazioak. Hala, Espainiako Lehen Mailaeri eta Bigarrenari profesionalizatu izaera eman dio. Horretarako, federazioak estatutuak aldatu ditu.
Lan hitzarmena lortu eta gero, beste urrats bat da emakumeen futbolaren profesionalizazioaren bidean. Izan ere, izaera hori izanda, txapelketen oinarrietan hainbat baldintza ezarriko dira aurrekontuei eta futbolari zein entrenatzaileen lan baldintzei eta eskubideei dagokienez.
Baina ez da guztiz klubek eskatzen zutena. Izan ere, profesionalizatu baino gehiago, profesional izendatzea nahi zuten. Horri esker, ligak berak federazioarekiko autonomia handiagoa izango du erabakiak hartzeko orduan; esaterako, koronabirusaren pandemiarekin gertatu dena ez errepikatzeko. Izan ere, klubek ez zuten txapelketa bertan behera uztea nahi. Baina profesionala ez zenez, federazioarena zen erabakia. Hark amaitutzat ematea erabaki zuen.
