Eraberritutako webgunea aurkeztuko du gaur klubak

Realak atzo jakinarazi zuenez, gaur 11:00etan zaharberrituko dute webgunea. Helbidea orain arteko bera izango da, nahiz eta diseinuak ez duen zerikusirik izango. Itxura eta eduki aldetik gaur egunera egokitua egongo da. Hasteko, Mikel Aranbururekin egindako solasaldia jarriko dute. Real Sociedad TV kate berria aurkeztuko dute, eta, Ezagutu ezazu atalaren barruan, belar hockeyko jokalari bat azalduko da; txuri-urdinen denda berriaren aurkezpeneko irudiak ere egongo dira ikusgai. Sarean Realaren presentzia «areagotzeko» eta zaleen «informazio txoko nagusia» izateko helburuarekin egindako lana da.