Erabat aldrebes doa Italiako Giroa. Lurretik bueltan. Montecassino zortzi kilometroko mendatearen zain zeuden denak, baina bi eroriko handi izan dira helmugara iristeko 11 kilometro falta zirela. Giampaolo Caruso italiarrak (Katuxa) hartu du min gehien, eta anbulantzian eraman behar izan dute ospitalera. Baina lurretik bueltan ibili dira faboritoetako asko, Joaquim Rodriguez (Katuxa) tartean. Tropela txiki-txiki eginda geratu da azken igoerara bidean, eta egoera horri Cadel Evansek (BMC) atera dio etekin gehien, 49 segundoko aldea atera dielako, azkenean, faborito gehienei. Michael Matthews liderra (Orica) gai izan da zortzi txirrindulariko taldetxoari eusteko, eta australiarrak berak irabazi du etapa, Tim Wellemsi (Belkin) eta Evansi berari aurrea hartuta. Galtzaile nagusien artean, 1.45 minutu galdu ditu Michele Scarponik (Astana) eta 7.43 Joaquim Rodriguezek. Ospitalera joan da berehala kataluniarra, kolpe handia hartuta.
Sailkapenak:
Etapa:
1. Michael Matthews (Orica) 6.37.01
2. Tim Wellems (Lotto) d.b.
3. Cadel Evans (BMC) d.b.
4. Matteo Rabottini (Neri) d.b.
5. Ivan Santaromita (Orica) d.b.
Nagusia:
1. Michael Matthews (Orica) 24.18.14
2. Cadel Evans (BMC) 21era
3. Rigoberto Uran (Omega) 1.18ra
4. Steve Morabito (BMC) 1.25era
5. Matteo Rabottini (Neri) d.b.
