2012ko urriaren 19a
00:00
Alex Aranzabal Eibarreko presidentea
«Sari nagusia tokatu zaigu. Sarrera ederra izango da Ipuruan, eta ziur egun polita izango dela. Kirol arloari dagokionez, Athletic estu hartzen saiatuko gara, eta zergatik ez, ezustea ematen».
Andoni Iraola Athleticeko jokalaria
«Ez da erraza izango. Eibarreko jokalari batzuk ezagutzen ditugu, eta batzuk Athleticen ere aritu dira. Kopako partidak beti dira zailak, eta ziur kostatu egingo zaigula».
Jagoba Beobide Alaveseko jokalaria
«Badakigu ia ezinezkoa dela Bartzelona kanporatzea eta ez dugula hura ezustean hartzeko ia aukerarik ere. Baina badakigu estadioa bete egingo dela ere, eta gozatu egingo dugula».
Iñigo Martinez Realeko jokalaria
«Kanporaketa gogorra eta zaila izango da, Kordobak Lehen Mailako taldea kanporatu nahiko baitu. Ahaztua dugu Mallorcan gertatutakoa. Espero dezagun bestelako Kopa izatea».
Jose Luis Mendilibar Osasunako entrenatzailea
«Kanporaketa zaila izango da. Ezin dugu ahaztu duela gutxi arte Sporting Lehen Mailan zegoela. Gainera, gustuko zelaia izan arren, ez dugu zorte onik izan Molinonen azkenaldian».
