Daryl Impey
Greenedgeko txirrindularia«Niretzat ere ezustea izan da, Allan Davisentzat ari nintzelako lanean. Azken bihurgunean metro batzuk neuzkala ikusi dut, eta saiatzea erabaki dut. Nire garaipenik ederrena da, eta gozatu beharra daukat».
Aitor Galdos
Caja Ruraleko txirrindularia«Arriskutsua zen amaiera, eta jaitsieran nahiko atzean geratu naiz. Baina mendiko eta tarteko helmugetako maillotak dauzkagu, behintzat. Etxera iritsiko naiz bihar [gaur], eta ea aurrean ibil gaitezkeen».
Gorka Izagirre
Euskaltel-Euskadiko txirrindularia«Esprintean aurrean sartzen saiatu naiz, baina bidea itxi didate, eta ezin izan dut ezer egin. Une erabakigarrietako bat iritsiko da bihar [gaur], Arrateko etaparekin. Taldea ondo dago, oso gogotsu».
