39 urte ditu Maider Unda Olaetako (Araba) borrokalariak, eta esana zuen 2016ra arte lehiatuko zela. Londresko Olinpiar Jokoetan brontzezko domina irabazi ostean, Undak ezin izan zuen Rioko jokoetarako sailkapena lortu.
2012ko jokoetako brontzeaz gain, 5. postua erdietsi zuen Pekingo Olinpiar Jokoetan, 2008an. 2009ko Munduko Txapelketan, berriz, hirugarren izan zen. Europako txapeldunorde izan zen 2013an, eta bi aldiz brontzea: 2010 eta 2012an. Hamalau aldiz izan da Espainiako txapeldun.
Gasteizen egingo du agurraren berri emateko prentsaurrekoa, asteazkenean. Harekin izango dira Cristina Uriarte Eusko Jaurlaritzako jardunezko Hezkuntza sailburua, Jon Redondo Jaurlaritzako Kirol zuzendaria, Olatz Legarza Basque Team-eko koordinatzailea eta Luis Crespo arduradun teknikoa.
