Maiatzaren 13an Valentzian (Herrialde Katalanak) Espainiako Kopako finala jokatu zuten Athletic eta Bartzelonak. Partida hasieran, Espainiako ereserkia jarri zutenean horren aurka txistuak entzun ahal izan ziren. Euskal Selekzioaren Aldeko Iritzi Taldea (Esait) eta Catalunya Accio egin ditu txistu horien arduradun Espainiako Nazioaren Defentsarako Fundazioak (DENAES), eta salaketa ezarri du haien aurka.
Santiago Abascal fundazioko presidentearen esanetan, "aurrez pentsatutako txistuek gizarte alarma" eragin zuten. Horrez gain, "Espainiari eta erregeari irain" egin zioten eta "gorrotoa bultzatu zuten. Hutsegite horiengatik zazpitik hamabi hilabete arteko isuna eta sei hilabete eta bi urte arteko espetxe zigorra eskatu ditu bi erakunde horientzat DENAESek.
futbola
Esaiten aurkako salaketa ezarri dute, Espainiako Kopako finaleko txistuengatik
Catalunya Accio taldea ere salatu du Espainiako Nazioaren Defentsarako Fundazioak. Athletic eta Bartzelonaren arteko partidaren hasieran, Espainiako ereserkia jarri zutenean, entzun ziren txistuak.
Iruzkinak
Ez dago iruzkinik
Ordenatu
