Hondarribiko Arraun Elkarteak irabazitako hamalau banderak bedeinkatuko dituzte gaur. Hori dela eta, kaleetan zintzilikatu dituzte orain arte irabazitako bandera nagusiak, tartean frankismo garaikoak.
Urtero egin ohi dute banderen bedeinkapena, eta ekitaldian parte hartzen dute udaleko ordezkariek ere. Kalejirarekin hasi eta mezarekin amaitzen da. Ordea, Hondarribiko traineruak Kontxako Bandera irabazten duen urteetan, ordura arte lortutako bandera garrantzitsuenak zintzilikatu ohi dituzte herrian ekitaldiek irauten duten bitartean.
Begira 1950. urteko Donostiako estropaden bandera. Hondarribiko kalean jarrita daudenen oso antzekoa. pic.twitter.com/Eg32kjdcZu
— Elias Garmendia ðŸÂÂÂÂÂŽ—ï¸Â (@garmendiakorta) 2018(e)ko azaroaren 24(a)
Irudiak zeresana eman du herritarren artean. Ugari izan dira kaleetako banderak ikusita harritu direnak, eta baita minduta sentitu direnak ere. Hala ere, udaleko prentsa arduradun Inaxio Noguerasek azaldu duenez, ohitura da herrian banderak zintzilikatzea: "Hori bera egin zuten 2013an ere Kontxa irabazi zutenean, eta berdin egin dute gaur. Batzuei, agian, ez zaie gustatuko, baina historiaren zati bat da".
2005 eta 2013an bezala, Hondarribia Arraun Elkarteak bere ia 175 urteetako historian, garaiak garai, irabazitako bandera garrantzitsuenak erakutsi dira gaur herrian zehar, aurtengo 14 banderen bedeinkapen ekitaldian. Zorionak gure arraunlariei!!! pic.twitter.com/Yx7tN8NYKa
— Hondarribiko Udala (@HondarribiaUdal) 2018(e)ko azaroaren 24(a)
