Lehen eta Bigarren Mailako partidetako epaileek espraia eramango dute gerritik zintzilik. Faltak ateratzean, baloiaren puntua eta hesia non kokatu zehatz markatzeko erabiliko dute. Espainiako Futbol Federazioak erabilera onartu du eta LFPk bere txapelketetako arautegian sartuko du.
Munduko Kopan arrakasta handia izan du, jokalariek errespetatu dutelako, eta Espainiako LIgaren aurretik beste batzuk ere onartu dute, Txapeldunen eta Frantziako Liga kasu. Ikusteke dago Superligako epaileek ere erabiliko duten ala ez.
