Estatutu berrien bozketa, apirilaren 11n

ATHLETIC. Athleticeko zuzendaritzak ezohiko batzar nagusira deitu ditu bazkide konpromisarioak estatutu berrien bozketa egiteko. Batzarra Euskalduna jauregian egingo dute, apirilaren 11n, 19:30ean. Sei lagunek egin dituzte estatutu berriak: Josu Urrutia eta Genar Andrinua jokalari ohiak, Juan Maria Vidarte abokatuak, Mario Fernandez BBK-ko lehendakaria, Pedro Aurtenetxe Athleticeko presidente ohiak eta Fernando Garcia Makua presidenteak.