Espainiako Kopako finalaurreko itzuliko partidaz hitz egin du Ernesto Valverde Athleticeko entrenatzaileak. "Ilusioz" dago taldea, final bat jokatzeko "aukera ederra" delako. Asteazkenean du partida Athleticek Bartzelonan, Espanyolekin (22:00). Bana berdindu zuten San Mamesen.
Laporteren osasun egoera da Valverderen kezketako bat. Azaldu duenez, sukarrarekin dago eta egunak daramatza ahul. Joaneko emaitza aintzat hartuta, golak egitera zelairatu beharrean da Athletic, baina orain arte jokatzeko erarekin jarraitzeko asmoa du Valverdek.
Finalera begira ere jarri da. Athletic finalean egonez gero arerioa zein den berdin diola esan du —Vila Realek eta Bartzelonak jokatuko dute beste finalaurrea—.
[Youtube]http://youtu.be/g6ySyt0gKP8[/Youtube]
Deialdia ere jakinarazi du talde zuri-gorriak: Iraizoz, Aurtenetxe, Laporte, San Jose, Beñat, De Marcos, Ibai, Iago Herrerin, Susaeta, Iraola, Etxeita, Mikel Rico, Gurpegi, Muniain, Aduriz, Guillermo, Balenziaga, Unai López eta Williams.
