Alde handiarekin irabazten ari ziren Irribarria eta Merino, une batean partida irabazita zutela ere pentsatu dute askok. Ez da lan erraza hamabi puntuko aldeari buelta ematea. Baina horixe egin dute Urrutikoetxeak eta Untoriak, sasoi bikainean daudela erakutsita
Irabazita zirudien partida irauli dute, eta galtzaile zihurtzat zituztenek begiak eta ahoa zabalik ikusi dute nola Irribarria eta Merino atzean uzten zituzten, eta 22ra gerturatzen ziren.
Estu eta larri, gainditu dute hogei puntuko langa bi bikoteek, eta baita 21na berdindu ere. Une hartan inor gutxi ausartzen zen hasierako segurtasunari eutsi eta nork irabaziko zuen esatera. Azkenean, 22 eta 21 irabazi dute Irribarriak eta Merinok, baina ez gutxi sufrituta. Irabazi ez arren, partida izugarria jokatu dute aurkariek.
