Etxean ariko dira Obenasa eta Hondarribia-Irun

SASKIBALOIA. Haien antzeko maila duten bi talderen bisita baliatu nahi dute Hondarribia-Irunek eta Obenasak sasoiko bigarren eta hirugarren garaipena lortzeko. Gipuzkoarrek Cadi La Seu hartuko dute, haiek baino bi partida gehiago irabazi dituen taldea. Nafarrak, berriz, Celtaren aurka ariko dira, haiekin berdinduta dagoen taldea. 19:00etan hasiko dira bi lehiak.