Europako Ligako finalerako partidarako sarrerak eskatzeko epea gaur irekiko du Athleticek, UEFAren gomendioei jarraiki. Athleticek ostegunean jokatuko du finalerdietako itzuliko partida Bilbon, Sporting Lisboaren aurka, eta orduan jakingo da finala jokatuko duen ala ez.
Athleticek 9.000 sarrera jarriko ditu salgai maiatzaren 9an Bukaresteko National Arenan jokatuko den finalerako. Horietatik 7.650 bazkideentzat dira eta gainerako 1.350 sarrerak klubaren esku geratuko dira.
Erreserba honako bideetatik egin daiteke:
- Webgunean egongo den sarrerak eskatzeko orria betez.
- 94 405 05 15 telefono zenbakira deituta, honako ordutegian: apirilaren 23, 24, 25, 26, 27 eta 28an: 8:00etatik 20:00etara.
