Europa Ligatik kanpo geratzeak min eman zion Athletici, baina hurrengo sasoian berriro ere Europan aritzeko pauso sendoa eman dute txuri-gorriek Malagari irabazita.
Lehen zatia hutsean amaitu ostean, Raul Garciak eginiko gol bati esker lortu du garaipena Athleticek. 52. minutuan, buruz egin du gola nafarrak. Gol gehiago egiteko aukera argiak izan ditu Borja Viguera aurrelari zuri-gorriak, baina ezin izan du aldea handitu.
Hiru puntuak lortuta, sailkapenean bosgarren postuan da orain Athletic, 54 puntu pilatuta.
