Garbiñe Etxeberria eta Iñigo Juaristi Euskal Herria futbol selekzioaren hautatzaileek 24 jokalari deitu dituzte ekainaren 23an Eslovakiaren aurka aritzeko. Bederatzi jokalari Athleticekoak dira, zazpi Realekoak, bina Lagunak eta Bartzelonakoak, eta bana Espanyolekoa eta Atletico Madrilekoak. Gonbidatu gisa Donapaleuko eta Donibane Garaziko jokalari bana deitu dituzte.
Atezainak: Ainhoa Tirapu (Athletic) eta Maria Goñi Saez (Lagunak).
Atzelariak: Irene Paredes Hernandez (Athletic), Leire Landa Iroz (Atletico Madril), Laura Gomez Gutierrez (Barcelona), eta Estibaliz Aizpurua Nieto eta Ane Bergara Artieda (Reala).
Erdilariak: Elisabeth Ibarra Rabancho, Iraia Iturregi Sustatxa, Amaia Olabarrieta Elordui eta Arrate Orueta Olabarria (Athletic), Marta Unzue Urdaniz (Barcelona), Vanesa Gimbert Acosta (Espanyol), eta Aintzane Encinas Gomez, Ainara Herrero Pagaldai, Maite Lizaso Campos eta Larraitz Lucas Martin (Reala).
Aurrelariak: Nekane Diez Tapia, Gurutze Fernandez Callejo eta Irune Murua Cuesta (Athletic), Maialen Zelaia Mendizabal (Reala), eta Eunate Arraiza Otazu (Lagunak)
Kontzentraziora gonbidatuak: Amaia Prebende (defentsa, Donapaleu), eta Maite Etxarren (aurrelaria, Donibane Garazi)
Donostian izango da lagunarteko partida, Anoeta estadioan (16:30), Kontseiluak, ESAITek eta Euskal Herria Kirolak antolatuta. "Aldarriz beteriko egun baten baitan kokatuta dago; parekidetasunaren aldeko aldarria, euskaraz bizitzekoa eta munduan herri gisa aritzekoa uztartuko dira", diote antolatzaileek.
