Frantziako Tourraren egunerokoan askotariko edukiak aurki daitezke: elkarrizketak, erreportajeak, barne antolamenduari buruzko sarrerak... Eta baita tourra igarotzen den lekuei buruzkoak are. Pasa den uztailaren 14an, hain zuzen ere, Euskal Herriari buruzko sarreratxo bat idatzi zuten, ingelesez eta frantsesez. Hona hemen testuaren euskarazko itzulpena:
12. etapan zehar, ikusiko zenuen ziurrenik bandera gorri bat gurutze berde eta zuri banarekin. Euskal Herriaren presentzia nabarmena da Tourraren ibilbidean, bereziki Pirinioetako etapetan. Maiz aipatzen dugu "bizikletarren lurra" Espainia eta Frantziaren artean banatuta dagoen lur honetaz ari garenean; eta ez soilik bertako inguruneak izen hori iradokitzen digulako, baizik eta hainbat txirrindularik eta bizikleta-markek ordezkatzen dutelako.
Kirol nazionalaren atzetik, ia sakratua den futbola, badago euskal herritarrengan txirrindularitzarekiko zaletasun adierazgarri bat. Bertako geografia menditsuak ez du eragin kirol honek osperik ez izatea; are gehiago, azken hamarkadan zehar handitu egin da txirirndularitzaren ospea. Ezin sinetsiko modu batean ari dira hazten txirrindularitza-birak; bizikletaz gero eta ibilaldi gehiago egiten dituzte bertan, baina Euskal Herriko paisaia ez da pasio hori azaltzen duen arrazoi bakarra.
Influentzia handia duten hainbat marka Euskal Herrian jaio ziren, bi talde frantsesek (Cofidis eta Express Energy) euskal bizikletak erabiltzen dituzte, Orbea eta BH markak eibartarrak dira. Familia-negozio xume gisa jaio zen Orbea Hermanos segituan bilakatu zen garrantzitsu txirrinda fabrikatzaileen artean, eta haien bizikletak munduko txirrindularirik onenak ekipatzera iritsi ziren. Samuel Sanchez, adibidez, euskal talde bateko (Euskaltel Euskadi) txirrindulari espainiarra, olinpiar txapelduna izatera iritsi zen. BHri dagokionez, Orbea bezain marka zaharra da, 2009an ospatu zuen lehen mendeurrena. BH hiru anaiaren garunek sortutako produktua da, Beisegi Hermanos familiakoak; hitz horiexen inizialak dira gaur egun ezagutzen dugun markari izena ematen diotenak.
Euskal Herritarrek txirrindularitzarekiko duten maitasunaren adierazgarri dira Mikel Landa (SKY), Mikel Nieve (SKY) eta Ion Izagirre Insausti (TBM) txirrindulariak. Euskal Herrian bertan jaiotako ziklista horiek ondo islatzen dituzte haien jaioterri den lurraren ezaugarriak, eta badakite hori frogatzen hain ospetsuak diren Euskal Herriko biran eta Donostiako klasikoan.
Hala ere, euskal txirrindularitzak momentu txar bat pasa zuen 2013 urtearen amaieran, %100ean euskalduna zen Euskaltel Euskadi taldea desagertu zenean.
Ia hemeretzi urteko historia zuen taldeak konpetitzeari utzi zion. Zaila zen %100ean euskalduna zen talde bat mantentzea, babesleak atzera botatzen baziren. Azken urtean saiatu ziren kanpokoak ziren txirirndulariekin aurrera ateratzen, baina ezinezkoa izan zen: Euskaltel desagertu egin zen. F1eko piloto Fernando Alonsoren laguntza ere ez zen nahikoa izan taldea salbatzeko.
Pentsatzekoa litzateke euskaldunen zaletasuna gutxitu egingo zela horren ondorioz, baina ez zuen eraign handirik izan. Euskal txirrindularien presentziak eta hainbat bira euskal lurretatik pasatzeak txirrindularitzarekiko maitasuna bizirik mantendu dute. Orain, gainera, Euskadi Basque Country Murias taldea sortu dute, lehengoak zituzen anbizio berberekin, baina izen berri batekin. Proiektua 2018an hasiko da benetan, taldea maila internazionalean konpetitzen hasten denean. Orduan, Euskal Herriko eta Espainiako txirrindulari onenak eskuratzeko aukera izango dute.
"Proiektua badago, marea dago!" Adierazi du Orbea markak proiektu berriari buruz.
Berri honek zale guztiak poztu ditu Mikel bezain beste, 62 urteko donostiarra. Hark azaldu du:
"Muriasekin, esperantza berri bat dago!"
Taldea harro dago bere koloreak konpetizio profesionalean izateaz. Mikelek euskal talde sinboliko izan zen Euskaltel Euskadiren jaiotza eta heriotza ikusi zituen.
Jende guztiak gogoratzen du marea laranja Frantzia eta Espainia arteko etapetan, haien banderak harro zabalduz txirrindulariak pasa ahala. Euskal Herritarrak txirrindularitzarako bizi dira, eta aetengabe hazten den pasio horrek herri horren bi zatiak batzen ditu, haien txapeldunak pasatzean erotzen direnak. Laster arrazoi berri bat izango dute pasio hori aurkitzeko, eta arrazoi hori haien koloreak dituen talde berri bat izango da.
