Euskal Herriko III. Mailakoa gaur hasiko da, Labaienen

AIZKORA. Euskal Herriko III. Mailako Txapelketari gaur ekingo diote, Beintza-Labaienen (Nafarroa), 18:30ean. 11 aizkolarik neurtuko dituzte indarrak, eta lau kanaerdiko moztea izango dute zeregina. Bi onenak finalera sailkatuko dira. Beste bi kanporaketak hurrengo bi asteburuetan izango dira, lehena Leitzan (Nafarroa) eta bigarrena Lakuntzan (Nafarroa).