«Ia negarrez sartu naiz helmugan. Behar nuen horrelako zerbait»
Joaquim Rodriguez
Katuxako txirrindularia
«Hainbat arazo tarteko, denboraldia oso txarra izaten ari da, eta ia negarrez sartu naiz helmugan. Behar nuen horrelako zerbait, eta irabaztera jokatuko dut. Ezin dut barkatu».
«Pena izan da, baina irabazteko borrokan jarraitzen dugu»
Samuel Sanchez
Euskaltel-Euskadiko txirrindularia
«Helmugako argazkiak erabaki du etapa, baina horrelakoa da txirrindularitza, eta Purito zoriondu beharrean nago. Pena izan da, baina irabazteko borrokan jarraitzen dugu».
«Bat aukeratzekotan, Arrateko etapa aukeratuko nuke»
Beñat Intxausti
Movistarreko txirrindularia
«Etapa urduria izan da, laburra, gorabeheratsua. Lau taldekide gaude nahiko aurrean, eta ea etapa bat irabazita lider jartzen garen. Aukeratzekotan, Arratekoa aukeratuko nuke».
