22:00etan erabakiko dute Buenos Airesen Madrilen, Tokion edo Istanbulen izango diren 2020. urteko Olinpiar Jokoak. Arratsaldean defendatu dituzte hautagaitzak, eta, besteak beste, Espainiako Gobernuko presidente Mariano Rajoy eta Espainiako printze Felipe Borboikoa izan dira Madrilen ordezkaritzan.
Han zeudela baliatuta, Argentinako hainbat erakundek protesta egin dute haien aurka. Bandera ugari eraman dituzte martxaren buruan, eta tartean izan dira ikurrinaren eta euskal presoak Euskal Herriratzearen aldekoa. Euskal Herriaren Lagunak elkarteak eraman ditu biak.
