Euskaldun bat onenen artean

Gora eta gora, dena lortzeko zorian dago Xabi Alonso tolosarra. Txapeldunen Liga irabazita dauka -2005ean, Liverpoolekin-; urte berean Europako Superkopa ere irabazi zuen; 2008an Eurokopa irabazi zuen, Espainiako selekzioarekin; eta aurten munduko txapeldun izan da Espainiarekin. Orain, berriz, Urrezko Baloia irabazteko 23 hautagaien artean sartu du FIFAk. 2011ko urtarrilaren 10ean banatuko dute Urrezko Baloia, Zurichen (Suitza), eta Alonsok ia ezinezkoa dauka saria irabaztea. Baina handia da munduko 23 jokalari onenen artean sartze hutsa.

Alonsok berak argi hitz egin zuen atzo: «Xavi Hernandezi emango nioke nik saria». Bartzelonako erdilariari, alegia. «Azken urteotako ibilbidea ikusgarria izan da». Berari dagokionez, liga bat irabaztea falta zaiola onartu zuen atzo. «Baina ea denboraldi honetan irabazten dudan».

Emakumezkoen zerrenda ere eman zuen atzo FIFAk, eta ondorengoak dira Urrezko Baloia jasotzeko hamar hautagaiak: Camille Abily (Frantzia), Fatmire Bajramaj (Alemania), So Yun Ji (Korea), Marta Vieria da Silva (Brasil), Birgit Prinz (Alemania), Caroline Seger (Suedia), Christine Sinclair (Kanada), Kelly Smith (Ingalaterra), Hope Solo (AEB) eta Abby Wambach (AEB). Gizonezkoen eta emakumezkoen taldeetako entrenatzailerik onenek ere jasoko dute saria.

Hautagaiak

Xabi Alonso. Euskal Herria.

Dani Alves. Brasil.

Iker Casillas. Espainia.

Cristiano Ronaldo. Portugal.

Didier Drogba. Boli Kosta.

Samuel Eto'o. Kamerun.

Cesc Fabregas. Katalunia.

Diego Forlan. Uruguai.

Asamoah Gyan. Ghana.

Andres Iniesta. Espainia.

Julio Cesar. Brasil.

Miroslav Klose. Alemania.

Philipp Lahm. Alemania.

Maicon Douglas. Brasil.

Lionel Messi. Argentina.

Thomas Mueller. Alemania.

Mesut Oezil. Alemania.

Carles Puyol. Katalunia.

Arjen Robben. Herbehereak.

B. Schwensteiger. Alemania.

W. Sneijder. Herbehereak.

David Villa. Espainia.

Xavi Hernandez. Katalunia.