Euskaltel-Euskadi, ProTour Ligan

Nazioarteko Txirrindularitza Elkarteak (UCI) gaur eman du ProTour Ligako hemezortzi talderen berri, eta haien artean da Euskaltel-Euskadi.

Hemeretzi eskaera jaso zituen UCIk, eta Unibet.como taldea baztertu egin du. Besteek baldintzak betetzen dituztela jakinarazi du, batik bat arlo finantzeroan eta juridikoan.

Euskaltel-Euskadiz gain, Caisse D'Epargne, Saunier Duval, Ag2r-La Mondiale, Francaise des Jeux, Bouygues Telecom, Cofidis le Credit par Telephone, Credit Agricole, CSC, Astana, Gerolsteiner, High Road, Lampre, Liquigas, Milram, Quick Step, Silence Lotto eta Rabobank dira beste taldeak.