Helduentzat bost euroko salneurrian jarri dituzte sarrerak, eta adingabeentzat, berriz, doan izango da. Bi entrenamendu egingo dituzte; Urruñan (Lapurdi) datorren astelehenean eta hilaren 16an Donostiako miniestadioan; biak, 19:30etik 21:00etara. Deialdiaren berri ere eman du Euskadiko Errugbi Federazioak.
Irailean, Uruguairen aurka jokatu zuen Euskariansek Getxon (Bizkaia), herrialde horretako selekzioa munduko errugbi txapelketarako prestatzen ari zela-eta.
