Jokin Altunak eta Iker Salaberriak lau eta erdikoaren ligaxkako azken partida jokatzeari uko egin ostean, bi lehia soilik izango dira asteburuan: larunbatean, Joseba Ezkurdia eta Erik Jaka ariko dira Bermeon (Bizkaia), eta, igandean, Iñaki Artola eta Jon Ander Peña, Tolosan (Gipuzkoa). Erabakigarriak dira biak.
Ezkurdiak eta Jakak atzo aukeratu zituzten pilotak. Arbizuarrak esan zuen «hasieratik kontzentratuta» aritu beharko duela. Ez zuen egin hori Peio Etxeberriaren aurka. Lizartzarrak, berriz, funtsezkotzat jo zuen «sakearekin asmatzea eta aukerak aprobetxatzea». Irabazlea Altuna III.aren kontra ariko da finalerdietan.
Ezkurdia edo Jaka; bietako bat, finalerdietara
Iruzkinak
Ez dago iruzkinik
Ordenatu