Ezustekoz ezusteko dabil Utah NBAn

SASKIBALOIA. Utah Jazz suspertu egin da, eta NBAko eraztuna irabazteko bi faborito hartu ditu mendean egun eskas bateko tartean; biak, gainera, haien kantxan. Herenegun, Miami Heat makurtu zen Salt Lake Citykoen aurrean (114-116). Partida horretan Paul Millsap nabarmendu zen, 46 puntu lortuta. Atzo, berriz, 94-104 irabazi zion Utahek Orlando Magici, Deron Williams eta Millsapen beraren lanari esker: 30 eta 23 puntu.