Vincenzo Nibali
Liquigas
Iazko garailea da, eta prestaketa ona egin du. Ez du egin zarata handirik, baina motibazioz gainezka ekingo dio Vueltari. Peter Sagan izar gaztea ondoan duela, faborito argia da.
Igor Anton
Euskaltel-Euskadi
Podiumean egon beharko luke. Iaz erakutsi zuen gaia badaukala, eta ibilbidea ere aldekoa du. Burgosko Itzulian itzali antzean ibili da, baina talderik onenetakoa edukiko du ondoan.
Denis Mentxov
Geox
Frantziako Tourretik kanpo geratuta, amorratuta ekingo dio Vueltari. Badaki irabaztea zer den. Erlojupekoa eta esperientzia dauzka alde, baina aurkari igotzaile fin gehiegi aurka.
Joaquim Rodriguez
Katuxa
«Irabaztera noa». Lauzpabost minutu galtzeko arriskua dauka Salamancako erlojupekoan, baina prestaketa zoragarria egin du. Erasorako neurriko ibilbidea dauka alde.
Michele Scarponi
Lampre
Italiako Giroko bigarren postuak indartuta, aukera paregabea dauka Vueltan. Denboraldi hasiera indartsuaren ondoren, prestaketa ona egin du, eta talde ona dauka ondoan.
