Osasunako presidentetzan denbora gehien egin zuen zuzendaria izan zen Fermin Ezkurra, 23 denboraldi denera. 1994an utzi zuen kargua, eta geroztik ohorezko presidente karguan zen. Bart hil da, 96 urterekin.
1922an jaio zen, Orikainen; hura agintean zela, Osasunak hamalau denboraldi egin zituen lehen mailan. Garai horretan eraiki zituzten Taxoareko instalazioak ere.
1992an, hark erretiroa hartu baino bi urte lehenago, Osasuna izan zen kirol elkarte anonimo bilakatzera behartu ez zuten lehen mailako lau taldeetako bat.
Osasuna futbol taldeko presidentea izanteaz gain, Iruñeko Aurrezkikutxako presidentea ere izan zen tarte batez.
