Arerio zailak egokitu zaizkie Realari eta Athletici Espainiako Kopako final laurdenetan. Donostiarrek zazpigarren postuan amaitu zuten liga, eta Bartzelona txapelduna izango dute aurrean. Athletic, berriz, txapeldunordea izan zen, eta Valentzia laugarren sailkatuaren kontra lehiatuko da.
Bi partidakoak dira kanporaketak, eta Athleticek nahiz Realak Euskal Herrian jokatuko dute joaneko partida, maiatzaren 18an. Astebete geroago izango dira itzulikoak: maiatzaren 25ean. Aurrera eginez gero, gipuzkoarrek Atletico Madril edo Rayo Vallecanorekin jokatu beharko lukete finalaurrean; Athleticek, berriz, Sporting Huelva edo Levante.
Ekainaren 8an eta 15ean jokatuko dituzte finalaurreak, eta ekainaren 22an finala.
